Nationwide Video games-ko sokachakna tarisamsoaniko Planning Board nipilanga

Shillong, Apr 29: Re•baenggipa 2027 bilsini Nationwide Video games-ko Meghalaya a•doko sokachakna gita tarisamsoanirangko Budbar salo, Meghalaya State Planning Board (MSPB) nipilangaha.

MSPB-ni tom•ani ja•man kobor ra•timgiparangna talataniko on•angengon, re•baenggipa bilsio Nationwide Video games-ko a•doko sokachakna kamrangko ka•soani somoi gitan ong•aienga indiba sorkarina agan-ku•pattianirangko on•na skang, tom•anirangko ong•atangkuna aro kal•chakram biaprangko niangkuna tik ka•aha ine MSPB-ni chairman AT Mondal parakataha.

Budbar salo Planning Board-ni tom•e chanchirimanirang matchotna man•jaha ine janapatengon, ma•mongoniba Sports activities department-ni official-rang a•dokona re•baaha aro uamangba dingtang tom•engani gimin, apsan tom•e chanchirimtaina nangenga ine Mondal aganaha.

Ia tom•anio board official-rang, Nationwide Video games-na tarisoenggipa kal•chakram biaprang aro dingtang dingtang biaprangoni re•baenggipa manderangko nokchakna tarisoenggipa biaprangni giminba sing•sandie ra•angaha ine janapatengon, ia kal•susaaniko sokachakna tarisamsoenggipa kamrangni gimin official-rang chu•gimik talatanirangko on•aha indiba Planning Board, dingtang dingtang official-rang baksa tom•aniko ong•attaina tik ka•e donangaha ine Mondal parakataha.

Nationwide Video games-ko sokachakanio chu•sokgipa ong•na gita a•dokni Sports activities Division aro Chief Minister-ni office-ba rakbee kamrangko ka•soenga aro Planning Board-ba nanga gita kamrangko nirokjringenga ineba ua aganaha.

Nationwide Video games-ni somoio Shillong songjinmao visitors ba gari gorarangni apchangket ong•aniko namatna nangengani gimin janapatengon, iani bidingo board-ni gita uamang a•bachengon chanchimanaha aro skanggipade, ramarango gari donako champenganian ong•enga ine MSPB-ni chairman aganaha.

Ramarango gari gorarangni apchangket ong•aniko komiatna gita Shillong songjinmani dingtang dingtang biaprango gari donchakani biaprangko tarina sorkari tik ka•angaha aro ian Nationwide Video games-ni somoirango, gari gorarangni apchangket ong•aniko komiatna dakchakani ong•gen ineba ua aganaha.

Na·simang iakoba nina man·gen: